علموا اولادكم حب الله وليس الخوف فقط من الله

[رونيا]

موقف حدث لى بالامس ومنه اكتب لكم هذا الموضوع
استأذنتى جارتى ان تترك عندى ابنتها فرح ذات ال4 سنوات
عندى لتؤدى بعض مشاوريها فرحبت
وجلسنا نتكلم ونلهو وو
حتى اذن العصر فقمت اتوضأ واذا بى وانا اهيم لاصلى
سألتنى فرح ببراءه
يا طنط عايزه حااجه طويله البسها وطرحه
احضرت لها ما طلبت متخيله انها ستلعب
واذا بى اصلى وبعد الصلاه وجدت فرح جالسه خلفى
فسالتها ماذا تفعل
فاجابت بنفس البراءه
بصلى يا طنط
لا اكذب عليكم فرحت فرحه لا تقدر ( كان قلبى مبسوط )
ودار بيننا هذا الحوار

انا : انتى بتعرفى تصلى يا فرح
فرح: لا بس كنت بقلد حضرتيك
انا : يعنى عملتى زى ما انا كنت بعمل وكنتى بتقولى ايه
هنا نقف لان ردها كان بمثابه صدمه لى
وكانها امسكت بحجر ووالقته على رائسى
فرح : كنت بقول يا رب بلاش تدخلنى النار
انا: ليه يا فرح انتى بتعملى حاجه وحشه عشان ربنا يدخليك النار
ده ربنا بيحبنا اوى اوى
فرح: لا مش بعمل حاجه وحشه بس ماما بتقول ان ربنا ناره كبيره وسخنه وان فيها عفاريت
انا: بس ربنا رحمته وسعه يا فرح
فرح : لا بس ناره اكبر

هنا استوقفت وتذكرت امى بارك الله لنا فى عمرها
وكم كانت تحاول جاهده ان نتعبد لله ونصلى
ليس خوفا من عذابه ولا اتقاءا لناره
بل حبا فيه
وكانت دائما تسالنى
بتحبى ربنا اد ايه
اقولها كتير يا ماما
تقولا لا لازم تحبى ربنا اكتر من اى حاجه فى الدنيا
ده هو اللى بيساعدنا وهو اللى خلقنا
وكانت تقص علينا فضائل الله جل وعلى علينا
وتعيد السؤال
ودلوقتى بتحبى ربنا اد ايه
وكان الرد اد الدنيا لا اكتر من الدنيا بحبه اكتر منيك يا ماما
كانت تبتسم ابتسامه لا انساها
وتقول واللى يحب حد يزعله
كنت بقول وانا بزعله تقولى اه
لما مش تصلى وتعمل الغلط تزعليه
كنت اقوم للوضؤ والصلاه طمعا فى حب الله لى وعمرى حتى لا اذكر كم كان
فجلست انا وفرح واستعملت نفس كلمات امى الهادئه
وسالتها حافظه الفاتحه يا فرح
اجابت نعم قلت لها حافظه سوره الاخلاص
قالت نعم وجلسنا نحفظ التشهد
وبعده قالت لى
انا بحبيك اوى يا طنط وحقوم اصلى
وقامت للصلاه معى وكنا نصلى بصوت عالى وتقول ورائى
وبعد فتره حضرت الام
واذا بفرح بكلمات قليله تقول
ماما انا بحب ربنا اوى اوى وخايفه بس مش من نار ربنا
لا خايفه ازعل ربنا منى لانى بحبه وعايزاه يحبنى

وسالتنى الجاره وحكيت لها
ما حدث

بالله عليكم علموا اطفالكم حب الله الخالص لله
وعلموهم ان العباده لا تبعدنا عن النار
بل تقربنا لله وهذا ما نريده

اللهم احفظ لكم اولادكم واهديهم لكم
واجعلهم قره اعين لكم
وارزقنى الذريه الصالحه
اللهم امين

[العارف بالله]

مش عارف اقول اية لاشى يقال بعد ما قلتية

جزاكى الله خيرا اختنا العزيزة

وجعله الله فى ميزان حسناتك

[رونيا]

بارك الله فيك يا اخى
وجزاك الله كل خير
اسعدنى ردك اسعد الله ايامك بكل الخير

[حامل المسك]

بسم الله والحمد لله والصلاة والسلام على رسول الله
مما لا شك فيه
أنه لا يسير السائر إلى الله عز وجل
إلا وهو يطير بجناحى طائر
جناح الحب
وجناح الخوف
فلقد قال تعالى واصفاً المؤمنين مادحاً إياهم:

{تَتَجَافَى جُنُوبُهُمْ عَنِ الْمَضَاجِعِ يَدْعُونَ رَبَّهُمْ خَوْفاً وَطَمَعاً وَمِمَّا رَزَقْنَاهُمْ يُنفِقُونَ }السجدة16
وقال تعالى آمرا الناس جميعا ومرغّباً لهم:
{وَلاَ تُفْسِدُواْ فِي الأَرْضِ بَعْدَ إِصْلاَحِهَا وَادْعُوهُ خَوْفاً وَطَمَعاً إِنَّ رَحْمَتَ اللّهِ قَرِيبٌ مِّنَ الْمُحْسِنِينَ }الأعراف56
أى (وادعوه خوفا) من عقابه (وطمعا) في رحمته
ولكن

فقه الدعوة مطلوب جدا جدا جدا جدا
ولكل مقام مقال
وليس كل ما يُعلم يُقال

فليس من اللائق أبدا أبدا أن أقول لطفل صغير : النار والعذاب
هل قال النبى صلى الله عليه وسلم لطفل قبل ذلك: اتقوا الله واتقوا النار؟!!

بل كان يلاعب الأطفال ويمازحهم ويحمل الحسن والحسين على ظهره فكان يقول عمر - على ما أذكر - نِعم الجمل جملكما

فنحن لا ننكر أبدا أبدا

أن بالخوف والرجاء معا نصل إلى الله عز وجل
ولكن لا يُقال هذا لطفل أو طفلة

وجزاكم الله خيرا وأحسن الله إليكم أن أثرتم هذا الموضوع
بارك الله فى هذه الطفلة خاصة
وأطفال المسلمين عامة
ورزقكم الله رزقا واسعا طيبا مباركا فيه عاجلا غير آجل
وجزاكم الله خيرا

[سمية الانصارية]

رانا
مش تنسى تسمية الأنصارية لى ايد ماما وراسها
وتسلمى لى عليها

جزاكى الله خيرا

[الرميساء]

ماشاء الله

بارك الله فيكى غاليتى رونيا

موضوع اكثر من رائع

اسأل الله ان يبشرك بالجنة

ويجعل ماكتبتيه فى موازين حسناتك

[فراشة الخريف]

موضوع طيب مشكورة
رانا
بارك الله بك

[رونيا]

بارك الله لكم
وجزاكم الله كل خير جميعا

[حفيدة عائشة]

http://abeermahmoud07.jeeran.com/632-GodBlessU-AbeerMahmoud.gif